Léirsiú ag Stormont ag Dream Dearg na Gaeilge

“An Aoine Dhearg” a tugadh ar an léirsiú ar ghlac cuid de na páirithe polaitíochta páirt ann. Bhí ionadaithe ó Shinn Féin, an SDLP, Páirtí na Comhghuaillíochta agus Pobal Roimh Bhrabús i measc an tslua.

Arú inné, chuir os cionn 200 duine litir oscailte chuig an Taoiseach agus Príomh-Aire na Breataine ag iarraidh orthu Acht Gaeilge a thabhairt isteach ó tá teipthe ar Shinn Féin agus an DUP aon dul chun cinn a dhéanamh i dtaobh cheist na Gaeilge.

Tá beagnach mí caite ag an gcúig phríomhphairtí sa Tuaisceart i mbun comhráite féachaint leis na forais pholaitiúla ó thuaidh a bhunú an athuair ach níl aon chosúlacht réitigh ann go foill.

Thug an Tanáiste Simon Coveney le fios inné go mbeidh deis i mí an Mheithimh réiteach a fháil ar an tsáinn agus go bhfuil an dá Rialtas le dlús a chur leis an bpróiseas sna seachtainí amach romhainn.