Bhí Pádraig ar thús cadhnaíochta i luathbhlianta feachtasaíochta An Dream Dearg agus é mar dhuine de bhunaitheoirí an ghrúpa feachtasaíochta. Is as Iúir Chinn Trá agus Deisceart Ard Mhacha dó agus bhain sé dochtúireacht amach ag Ollscoil Uladh. Oibríonn Pádraig mar bhainisteoir cumarsáide le Conradh na Gaeilge agus is ball é d’fhoireann peile Laochra Loch Lao, mar aon le cathaoirleach ar Choláiste Gaeltachta Theileann i gContae Dhún na nGall.